我哋听“小型车”呢个概念就听得多，但系对于“小型SUV”就系近一两年先开始兴起。因为呢两年，乘用车越来越细分了，好似乜嘢A级、A+级、A++级啊咁，新嘅名词出现频率越来越多，挡都挡唔住。本期，我哋嚟讲下小型SUV。
对于“小型SUV”，2012年最火应该就系别克嘅昂科拉encore啦，唔知大家仲记唔记得系广州中华广场、正佳广场呢D地方出现过贴满贴纸嘅集装箱，佢就系用好特别营销方式吸引咗好多广州市民嘅眼球。今期介绍嘅SUV车型有别克嘅昂科拉encore、长城哈弗M4、起亚秀尔、仲有就系众泰2008同5008。呢D车都系合资同自主品牌嘅车，对于进口车嚟讲，铃木吉姆尼大家就最熟不过啦。
上海通用别克昂科拉encore
参考价格：15.99-19.69万
刚才都讲嚟了，昂科拉encore嘅出现，市民嘅关注度相当高。因为昂科拉encore佢系上海通用别克嘅第一款SUV车型，而且佢又赶上中国SUV车型购买嘅高速增长时期，确实难得。
别克Encore昂科拉造型好匀称，身尺寸为4278毫米*1774毫米*1646毫米。佢越睇就越可爱，事实又真系好好睇，蓝色车头灯更加有feel。
一睇方向盘就知道系上海通用别克嘅风格了，但系整体睇上去，昂科拉encore内饰好整齐，而且D按键嘅布局都相当专业，造型相当好睇。最记得就系佢个副驾驶座嘅两个柜桶。按个人嚟讲，我喺好钟意，不过无钱买。
动力方面，别克全新昂科拉搭载1.4L Ecotec涡轮增压发动机，当转速达到4900-6000转每分钟时，输出最大功率为140马力，即103千瓦。当佢嘅转速达1850-4900转每分钟时，输出最大扭矩为200牛顿米。1.4升排量嘅车，当然系用93#或以上嘅无铅汽油。
长城汽车哈弗M4
参考价格：6.39-7.19万
国产车有国产车嘅好处，最大嘅特点就系价格相对合资品牌同埋进口品牌都要低。哈弗M4系我印象当中最深嘅一部国产小型SUV了，无论定价、定位、以及造型都相当唔错。
长城哈弗M4车身尺寸为长3961毫米*宽1728毫米*高1617毫米，呢台车虽然系小型SUV，但系造型都相当大气，雾灯啊、大灯高度调节等等功能都全部有齐了。佢嘅鼻梁相对高D，但系成部车睇起来好可爱。
国产车有国产车嘅风格，长城哈弗M4嘅内饰相比合资车同进口车都会粗糙一D，另外因为内饰嘅部件相当粗大，所以显得好硬朗。有技术嘅国产车更符合中国人嘅使用习惯，而且国产车的配置都唔低。
动力方面，哈弗M4将搭载长城的小排量明星发动机1.5L全铝VVT发动机，呢个发动机应用了博世（BOSCH）多点电喷系统、VVT气门可变等技术，与其搭配的是5挡手动变速器。
众泰2008
参考价格：4.38-5.48万
众泰2008呢部车好细，而且品牌系国内嘅知名度都唔系好高，但系针对汽车市场，佢除咗投产轿车之外，仲选择投产小型SUV，而且销量都唔错。第一个，D人对SUV的性能都存在一种肯定嘅态度。第二个，众泰2008嘅价格十分靓仔，几万蚊就可以有部车玩下了，因此销量唔错都系有D原因嘅。
众泰2008三围分别为长3900毫米*宽1555毫米*高1670毫米，佢底盘好高，有较好嘅通过性能。呢台1吨左右嘅车仔，相信吸引咗唔少人嘅目光。造型方面虽然比唔上进口嘅吉姆尼，但系少有嘅身材，系街上行吸引嘅目光都值回票价了。
内饰同外观差唔多，方方正正嘅样，不过配置就确实低咗D咯。另外，其实霖翻下，4万蚊左右嘅车，唔通真系咩配置都想有齐咩，都已经有歌仔听，有空调叹，后生仔要睇开D。
众泰2008的发动机选择的是国内成熟的4G13和4G15两款，维修保养的成很低，燃油经济性也应该有保证，发动机纵置的设计很容易让你把它和高档轿车或者SUV车型联系在一起。
众泰5008
参考价格：5.68-7.48万
众泰5008感觉俾人就系众泰2008嘅升级版本，但系价格差好多。众泰5008价位最低都要5字开头。另外，众泰5008相比众泰2008好好多，车嘅规格大咗，车型选择都比后者要丰富。
外形点都比众泰2008好睇，车型规格大就唔使讲啦，最紧要佢可爱。众泰5008车身规格系长3970毫米*宽1570毫米*高1730毫米，咁大嘅车身加上车顶一个行李架，真系有作为越野车嘅吉姆尼。
内饰靓仔好多，确实有超大显示屏，而且方便改装。空调、多媒体区域分得好清楚，操作都好方便。睇惯众泰D车，你都会发觉众泰D设计都十分特别，或者呢D系佢嘅策略了，又或者系佢地自己嘅特色。
动力方面，众泰5008搭载三菱的4G13S1发动机和4G15发动机，1.3L发动机最大功率68千瓦，1.5L车型最大功率78千瓦，奔驰smart都系得52千瓦。所以，咁样嘅动力表现日常代步完全够用。
东风悦达起亚秀尔
参考价格：10.38-12.78万
起亚秀尔吸引咗好多女性朋友关注，第一个因为佢个名够晒温柔，真系好似女人嘅名咁。第二个，外观都比较偏向女性多D。
东风悦达起亚旗下有好多款SUV车型，其中起亚秀尔暂时系最细嘅一款，因此我拿出嚟讲一讲。佢车身长度超过4米，三围分别系长4096毫米*宽1785毫米*高1663毫米。造型嘅话，我自己就唔系几钟意，呢D嘢都系各花入各眼嘅啦。佢作为合资车，外观设计工艺都相当规范嘅了。
内饰嘅话，秀尔有好独特嘅设计风格，既特别又唔会有不堪入目嘅设计。其中内饰最特别就系方向盘嘅设计，别有一番风味。另外，我发觉内饰都大量用咗“圆”嘅设计，相信都系想吸引女性用户多了。
东风悦达起亚秀尔搭载了1.6L自然吸气发动机，最大功率是90.4KW，最大扭矩是155N·m。配备的是5档手动和4档自动的变速箱。
长安CS35
参考价格：7.89-9.29万
最后介绍嘅一款车就系长安CS35，一款刚上市唔系好长时间嘅车型。如果准确D讲，长安CS35系定位紧凑型SUV，因为佢嘅轴距达到2560mm。
首先讲下佢嘅三围先，佢嘅车身尺寸分别系长4160毫米*宽1810毫米*高1670毫米。长安CS35外观造型挺拔有力，线条干净利落。前脸造型采用粗壮的双幅镀铬进气格栅，搭配外扩的轮眉，令新SUV外观造型充满力量感。
内饰，我觉得除咗别克昂科拉内饰靓之外，佢系第二位。虽然系一台SUV车型，但系内饰设计到好似轿车咁舒适。不过，黑色同银色作为最常用嘅内饰颜色，显得部车更具动感。
长安CS35搭载咗长安全新Blue Core高效H系列1.6L发动机，具备“劲、净、静”三大优点，可靠性高，噪音低，燃油经济性好，其最大输出功率为125马力，峰值扭矩为160N·m。传动方面，新车采用5速手动变速器和日本爱信Ss—II全新一代手自一体变速器。
新车指导价：14.59-15.59万
