讲到空间，如果MPV系王者，咁SUV就系臣子了。东风标致3008有好多储物格，而且空间足够大，我相信中意自驾游嘅朋友睇咗之后都会中意上呢款车。

　　呢款实拍车型噶座椅用咗比较软噶真皮，前排座椅有座椅加热功能。喺拍摄过程中，我发觉呢部高配车型嘅司机位有电动调节功能，但腰部支撑调节系手动。副驾驶座椅系全手动调节，冇腰部支撑调节功能。对于乘客舒适性嚟讲，未免对乘客造成小小噶心灵创伤。喺副驾驶位置上，东风标致3008有个扶手手柄，呢个扶手手柄对内饰有少少影响，但系佢好实用（当车辆高速行驶时，副驾驶座上朋友都会好夸张咁用双手拉着车顶嘅扶手，俾自己安全感。喺3008上面，大家又多一个把握嘅地方，而且舒适性都唔错）。

　　后排座椅空间绝对可容纳三个人，而且有三个头枕，舒适方面俾乘客有一个好好嘅体验。喺功能上，后排座椅有隐藏式嘅扶手箱，IOSFIX儿童座椅安装装置同埋4/6分割折叠功能，所以喺实用性上，呢款SUV可以话达标了。另外，好多媒体会系各大车型上关注嘅后排空调出风口呢部车都配备咗，但系佢有个横向嘅凹槽位，我搞唔清楚有乜用。

　　至于储物空间方面，有好多车都比唔上东风标致3008嘅细节。其中一个，軚盘底下隐藏一个储物箱，呢个储物箱用嚟放D比较贵重嘅嘢相当唔错。前排座椅中间嘅扶手箱我好满意，够深、够大，中国人最中意噶了。

　　跟住我要介绍呢部车最吸引人嘅地方，东风标致3008追求一种叫Hobby（休闲生活方式）嘅理念。因此佢尾门就系亮点，而且佢嘅功能配置都相当巧妙。第一眼睇到上下分体式尾箱门，你会发觉好新奇。平时我哋能够常见嘅尾门有几种类型，对门式嘅，有向上开启嘅，向下开启嘅（货车居多），向左或向右开嘅，而上下分体开嘅车门真系好少见。

　　喺空间细节上，东风标致3008尾箱空间设置好灵活，普通情况下，将上下车门打开（首先打开上门，先可以打开下门），佢噶空间可以容纳至少3个行李箱。另外，车主仲可以设置唔同噶空间摆法，将尾箱嘅隔板架起，分出两个独立嘅空间。另外，个隔板卡住车侧边，就可以摞出底下噶备胎。单系又因为有呢个功能，所以摞备用胎噶时候就麻烦左D，不过瑕唔掩瑜啦。