广州市内广汽传祺GS5 1.8T车型已经到店。同时,2013款嘅广汽传祺GA5车型都已经到店(迟D陆续放出实拍)。1月6号,广州本土嘅自主汽车品牌广汽传祺发布咗一款配搭全新动力嘅GS5 1.8T车型。呢次发布会,广汽传祺一共发布咗5款唔同嘅配置车型,价格从14.88万到22.98万。对于22.98万嘅1.8T 自动四驱至尊版,早已经喺上年噶11月份广州车展发布。广汽传祺发布嘅车型无疑使得自身嘅产品线更丰富,而且更加表明咗汽车行业进入一个涡轮增压技术时代(所谓噶“T”时代)嘅高速发展期。
更适合中年人 XGO广州实拍广汽传祺GS5
广汽传祺推出嘅车型,个样都好老成,所以大家系4S店基本上系好少见到D后生仔系度买车,基本上都系D上左30岁以上做生意嘅男士居多。不过话说,呢款车点解深得咁多中年人钟意呢?下面,我同大家一齐详细睇下我所拍摄嘅呢台1.8T 自动两驱豪华版。
外观圆滑老成
按照呢家90后嘅审美观,我觉得好多后生仔都会拣D个LOOK好潮嘅车。广汽传祺GS5嘅外观其实十分好睇,而且线条等各方面都处理好仔细。你可以从佢嘅身上感受到有广汽传祺GA5(轿车)嘅感觉,因此好商务。
呢次上市嘅广汽传祺GS5 1.8T车型喺外观上同原来搭载嘅自然吸气车型外观几乎一样。最唔同嘅地方就喺新车翼子板度多左一个1.8T嘅标识。车头前格栅嘅设计风格,我地系GA5身上都有见到 ,呢D就系各大厂商官方称呼嘅“家族式脸谱”,而对于我地来讲就系“俄罗斯套娃”。其实,对于广汽传祺嚟讲,佢哋嘅车注重一种“流水”嘅线条感。大家可以搜搜广汽传祺概念车E-jet,佢就可以讲俾大家知咩叫“流水”风格。
广汽传祺GS5车头灯采用嘅系4灯制。另外,佢具备咗LED日间行车灯,以及设置喺大灯灯组外缘嘅转弯灯。呢款GS5 1.8T 自动两驱豪华版配备嘅大灯具有自动感应功能,基本上作为SUV车型都会配备。另外,我确实佩服佢个车头雾灯,柳叶形嘅装饰线条显得雾灯大到不得了。
再嚟睇睇车身侧面,具备电动折叠的后视镜整合咗转向灯。其实侧面无太多嘅亮点,一条好普通好直嘅腰线。最好睇都系作为SUV车型车顶上嘅行李架,一种“型”又实用嘅象征。
车尾造型都采用咗柳叶形状作为基调,柳叶形状嘅尾灯同车头风格相呼应。就好似厂家讲嘅行云流水感觉,但系我流行型系做到了,但系局部嘅人性化仲未够。例如尾门D细节,开门嘅时候,门开合嘅地方有一条镀铬饰条,如果关门嘅时候会俾人一种感觉,会唔会大力过头会松呢。另外,因为镀铬饰条比较闪,D人嘅手成日碰到,就会容易邋遢。
呢部车确实好有线条感,尾部嘅车窗倾斜角大概45度,好多SUV车型尾窗倾斜角基本上都会达到70度。造型虽然系好睇,但系会牺牲咗一D尾箱嘅空间咯。
车轮方面,我所拍嘅呢款车用咗17寸五幅式铝合金轮毂,规格系225/60R17嘅玛吉斯轮胎。
鸣谢:
广汽传祺长佳店
电话:020-36546688
地址:广州市白云区广园中路333号(广园客运站东侧)
讲到内饰,我所拍嘅呢台1.8T 自动两驱豪华版全黑色加银色边装饰。咁嘅颜色系最常见嘅搭配,就因为佢唔系跑车、唔系所谓我地成日讲嘅豪华车。另外,呢种配搭合符实用作为原则,平时打理唔使好似D名车咁麻烦。如果内饰邋遢咗是但用清水抹下就可以搞掂。
宜家嚟讲下内饰。GS5 1.8T 自动两驱豪华版有一键启动功能,有定速巡航,有行车信息显示屏,有单CD,可以插USB听歌。一般用嘅嘢佢都有了,但系无导航(即系无彩色显示屏,即系唔可以睇片)。
我最欣赏系佢个方向盘,GS5同GA5采用嘅系同一款方向盘,仅仅喺颜色配搭上唔同,当然唔同车型方向盘上嘅快捷按键都有多同少嘅区别。呢款车嘅方向盘上除咗有普通嘅多媒体控制按钮外,仲有行车信息显示屏嘅功能按键同埋定速巡航嘅设置按键。
中控台中间嘅位置,造型有D特别,特别到我唔知道点去描述好。噢,轮廓就好似我地戴系颈上嗰种“观音菩萨”玉石嘅形状,不过系上下倒转。对称设计,空调口系最顶,落DD嘅位置就系CD入口。数字LED显示屏周围系多媒体嘅控制区域,再往底部就系空调控制区域,自动空调而且系双区独立控制哦!另外,此车仲有车身电子稳定系统同埋落坡缓降系统,配置真系唔比其他嘅越野型SUV要差。
讲到空间,广汽传祺GA5空间好阔,作为一部轿车佢嘅轴距达到2710毫米,喺桥车行列属于B级车了。同佢一样底盘嘅广汽传祺GS5当然空间更阔,而且座椅更高,睇嘢更远。
广汽传祺GS5配有带孔真皮座椅,舒适性嚟讲,算系中等硬度(如果系要形容嘅话,大概就好似一包新嘅面纸巾一样)。另外,座椅只系得驾驶座椅有电动功能(腰部支撑手动),其他座椅都系手动调。当然,呢D都系各大厂家常见嘅玩法了。虽然GS5系一部自主品牌嘅车,但系赶得上国际潮流嘅脚步。如果人做系车里面,唔睇车标真系感觉唔到呢部系一部自主品牌车。
空间方面,绝对放心,一家五口加一家行李绝对容纳得到,皆因部车确实好长。另外,小型嘅储物格都相当齐备,而且空间大细都相当到位,后排仲有空调出风口同手枕。最值得赞嘅系有一个移动式嘅烟灰缸,不过呢个似乎唔系几符合中国人嘅习惯,因为一般人都唔中意将烟灰留系车里面而直接弹出车窗外面。
传祺GS5无全景天窗,不过普通嘅天窗仲系有嘅,得闲可以换下车里面嘅空气。佢嘅尾箱空间可以话大,但系功能只可以讲一般,无乜大嘅优势。尾箱里面仲有两个好大嘅凸起,因此放D大件嘢嘅时候好容易导致唔系好方便。另外,部车都有卷帘屏风,可以保护私隐。
其实,尾箱仲有一个唔满意嘅地方就系个锁销。锁销设置系个地板上,而且凸起嘅幅度唔少,因为呢个问题系个锁销同平面上整合一个塑料凸起以防锁销刮伤人。呢个地方唔够完美,而且系同合资车产生差距嘅地方。笔者都希望厂家系下一款新车出嚟之前会解决呢个问题,不过对于呢部车嚟讲瑕不掩瑜啦。
广汽传祺GS5 1.8T车型嘅生产,除咗技术嘅进步、迎合汽车业界潮流发展之外,我觉得仲有一个因素,就系极大限度咁适应宜家广州限牌政策,更加方便用户选车、换车。曾经1.8升排量系一个黄金排量,但系俾1.6升排量打赢左。宜家广州市内1.6升排量嘅车保有量系相当多嘅,因为省油之余动力仲算OK。
1.8T发动机确实相当唔错,以GS5嘅定位同价格嚟讲够用啦。呢款发动机可以输出最大功率130千瓦,最大扭矩237牛顿米嘅峰值。适合加93#或更高嘅汽油。
广汽传祺GS5搭载5AT手自一体变速箱,暂且唔讲性能。同差唔多定位嘅合资车相比,都已经走系大队嘅队列里面了。至于性能,大家可以睇睇我哋评测编辑测试嘅成绩《并非男人都需要出去野 试驾传祺GS5 1.8T》 。
底盘系呢部车嘅灵魂,佢用嘅系阿尔法罗密欧166嘅底盘,广汽传祺GA5都系用呢款底盘。操控性同稳定性唔使讲,因为佢一直系广汽传祺车型嘅宣传对象。前双叉臂式独立悬挂后多连杆式独立悬挂嘅GS5相比其他同级车型舒适性好好多。
总结:
睇完部车,体型尺寸系广汽传祺GS5嘅一大优势。SUV车型作为呢两年关注度不断上升的汽车类型,而作为自主品牌,广汽传祺GS5从外观设计同内饰设计上体现左做质量,做创新嘅风范,俾好多人都留低唔错嘅印象。另外,车上配备嘅功能设备使得好多人钟意。如果讲比亚迪造车系当做“电子产品”,那么广汽传祺就系做“工业机器”。(图/文/摄 汽车点评 铭思)
产品名称 | 2013款 传祺GS5 1.8T 自动两驱豪华版 |
经销商报价 | 0-0万 |
厂商报价 | 17.38万 |
产地属性 | 国产 |
级别属性 | SUV |
款型 | 2013 |
排量(L) | 1.8L |
最高车速(km/h) | 192Km/h |
保修政策 | 三年或10万公里 |
长/宽/高(mm) | 4732/1854/1680 |
轴距(mm) | 2710 |
前轮距(mm) | 1554 |
后轮距(mm) | 1570 |
最小离地间隙(mm) | 180 |
整备质量(Kg) | 1725 |
车身结构 | SUV |
车门数(个) | 5 |
座位数(个) | 5 |
油箱容积(L) | 65 |
行李箱容积(L) | 480-1350 |
气缸容积(cc) | 1751 |
进气方式 | 涡轮增压 |
气缸排列形式 | L |
气缸数(个) | 4 |
每缸气门数(个) | 4 |
配气机构 | DOHC |
最大马力(Ps) | 177 |
最大功率(kW) | 130 |
最大功率转速(rpm) | 5250 |
最大扭矩(Nm) | 237 |
最大扭矩转速(rpm) | 1700-5250 |
燃油类型 | 汽油 |
燃油标号 | 93号(京92号) |
供油方式 | 多点电喷 |
缸盖材料 | 铝 |
缸体材料 | 铁 |
排放标准 | 国IV |
变速箱简称 | 5挡手自一体 |
挡位个数 | 5 |
变速箱类型 | AT |
驱动方式 | 前置前驱 |
前悬挂类型 | 双叉臂式独立悬挂 |
后悬挂类型 | 多连杆式独立悬挂 |
助力类型 | 机械液压助力 |
车体结构 | 承载式 |
前制动器类型 | 通风盘式 |
后制动器类型 | 通风盘式 |
驻车制动类型 | 手刹 |
前轮胎规格 | 225/60R17 |
后轮胎规格 | 225/60R17 |
备胎 | 全尺寸 |
驾驶座安全气囊 | ● |
副驾驶安全气囊 | ● |
前排侧气囊 | ● |
后排侧气囊 | - |
前排头部气囊(气帘) | - |
后排头部气囊(气帘) | - |
膝部气囊 | - |
胎压监测装置 | ● |
零胎压继续行驶 | - |
安全带未系提示 | ● |
ISO FIX儿童座椅接口 | ● |
LATCH儿童座椅接口 | - |
电子防盗 | ● |
车内中控锁 | ● |
遥控钥匙 | ● |
无钥匙启动系统 | ● |
夜视系统 | - |
主动安全 | - |
ABS防抱死刹车 | ● |
制动力分配 | ● |
刹车辅助(EBA/BAS等) | ● |
牵引力控制系统 | ● |
车身稳定控制 | ● |
自动驻车/上坡辅助 | ● |
陡坡缓降系统 | ● |
可变悬挂 | - |
空气悬挂 | - |
主动转向系统 | - |
并线提示系统 | - |
可变转向比 | - |
天窗 | ● |
全景天窗 | - |
运动版套装 | - |
铝合金轮圈 | ● |
电动吸合门 | - |
真皮方向盘 | ● |
方向盘上下调节 | ● |
方向盘前后调节 | - |
方向盘电动调节 | - |
多功能方向盘 | ● |
方向盘换挡 | - |
定速巡航系统 | ● |
自适应巡航控制 | - |
倒车雷达 | ● |
倒车影像 | - |
全景摄像头 | - |
自动倒车入位 | - |
行车电脑显示屏 | ● |
HUD抬头数字显示 | - |
皮质座椅 | ● |
运动座椅 | - |
座椅高低调节 | ● |
腰部支撑调节 | ● |
肩部支撑调节 | - |
前排座椅电动调节 | ● |
第二排座椅靠背调节 | - |
第二排座椅移动 | - |
后排座椅电动调节 | - |
电动座椅记忆 | - |
前排座椅加热 | - |
后排座椅加热 | - |
座椅通风 | - |
座椅按摩 | - |
后排座椅整体放倒 | - |
后排座椅按比例放倒 | ● |
第三排座椅 | - |
前座中央扶手 | ● |
后座中央扶手 | ● |
后排杯架 | ● |
电动后备箱 | - |
GPS导航系统 | - |
网络互动系统 | - |
中控台液晶屏 | - |
多媒体控制系统 | - |
内置硬盘 | - |
蓝牙/电话系统 | - |
车载电视 | - |
后排液晶屏 | - |
中控液晶屏分屏显示 | - |
外接音源支持 | ● |
MP3/WMA支持 | ● |
单碟CD | ● |
虚拟多碟CD | - |
多碟CD系统 | - |
单碟DVD | - |
多碟DVD系统 | - |
2-3喇叭扬声器系统 | - |
4-5喇叭扬声器系统 | - |
6-7喇叭扬声器系统 | ● |
≥8喇叭扬声器系统 | - |
氙气大灯 | - |
LED大灯 | - |
日间行车灯 | ● |
感应大灯 | ● |
转向辅助灯 | ● |
前雾灯 | ● |
大灯高度可调 | ● |
大灯清洗装置 | - |
车内氛围灯 | - |
前电动车窗 | ● |
后电动车窗 | ● |
车窗防夹手功能 | ● |
防紫外线/隔热玻璃 | ● |
后视镜电动调节 | ● |
后视镜加热 | ● |
后视镜自动防眩目 | ● |
后视镜电动折叠 | ● |
后视镜记忆 | - |
后风挡遮阳帘 | - |
后车窗遮阳帘 | - |
遮阳板化妆镜 | ● |
后雨刷 | ● |
感应雨刷 | - |
手动空调 | - |
自动空调 | ● |
后排独立空调 | - |
后排出风口 | ● |
温度分区控制 | ● |
车内空气净化 | - |
车载冰箱 | - |