【汽车点评 实拍 原创】
1月14号,smart新年特别版登陆中国市场。呢部系一部好特别嘅车型,除咗佢系smart之外,仲因为佢嚟自好出名嘅珠宝设计师万宝宝之手。唔知道大家对smart了解有几多,除咗真系好钟意smart嘅人或者拥有佢嘅人,对于大部分人嚟讲,应该都系一部好陌生嘅车。如果D人系广州街头见到smart,都会觉得smart好好睇,好有个性,好钟意。
其实大家唔好以为净系后生仔先钟意呢款车,系我拍呢台车嘅时候,展厅嘅车刚刚卖咗,而车主目测系一个大概超过35岁嘅男人。或者呢位车主思想确实前卫啦,但系都唔可以否认嘅一个事实,smart是系种生活态度嘅象征。
外观:荧光紫配柠檬黄
smart新年特别版外观颜色好鲜艳,黄色嘅车身配搭荧光紫嘅柱。呢部车特别就特别系颜色的配搭,试问系街上有乜嘢车系喷咁鲜黄嘅车漆呢?外观上面除咗颜色特别之外,佢个车身上面仲有一条好抽象嘅“蛇”配合smart车标嘅徽章图案,而且仲有“Bao Bao Wan”嘅字样。轮毂上面都有一DD变化。
车身尺寸方面,我系呢度简单讲下,因为smart fortwo尺寸都基本上差唔多,各个版本基本上系配置以及外观色彩上面嘅变化,所以基本上都系保持一个2695mm*1559mm*1565mm嘅三围,而轴距就系1867mm。系呢度我要讲一讲,如果你买车,你会见到smart嘅配置单上面会见到一个叫“转弯直径”嘅参数。你知啦,smart体现嘅就系细嘅风格,所以转弯直径系一个好有意义嘅项目,而8.75米嘅转弯直径确实系一个好特别嘅数字。
其实,外观设计大部分同其他smart fortwo一样,正面依然好可爱,好有个性。车前格栅上面有一个smart嘅车标,车标用咗好似镀铬咁嘅形式,好有金属同埋高质量嘅感觉。另外,前进气格栅系蜂巢状设计。
从车身侧面睇,更容易睇出呢款车的配色特别之处,黄色、蓝紫色以及黑色,三种颜色嘅配搭好年轻活力。系买车嘅过程中,有D朋友可能嫌新年特别版得一种颜色,但是因为够晒特别,所以都乐意接受。
车尾就可能冇乜特别了,经典嘅smart风格,四个圆形尾灯,成个车尾都系设计到一种相对圆滑嘅形状,实在可爱。仲有,车尾门可以上下打开,够晒“smart”啦。
smart新年特别版配咗15寸9幅轮毂,感觉上都系圆滑圆滑嘅感觉。另外,呢部车前轮碟刹,后轮鼓刹,配备ESP,ABS系统。
鸣谢:
仁孚怡邦-中山大道店
电话:020-8553 3033
地址:广州市中山大道西901号(棠东骏景花园正对面)
做广州人自己嘅汽车网站!