法国车俾人一种好特别嘅感觉,因为佢地有自己沉淀嘅文化,从好久之前一直影响到今时今日。东风标致3008就系一个文化嘅载体,一睇外观便让人觉得呢即系法系车。我哋睇法国人,佢哋嘅衣着好讲究,佢哋嘅饮食都系好有特色,例如法国鹅肝。当然,佢哋嘅文化就系因为够特别所以俾人噶印象好深刻。
全新东风标致3008都系因为够特别,所以俾人噶印象都系好深刻。佢特别噶地方我哋一齐嚟慢慢研究。首先我哋睇下佢噶整体,我影嘎呢台东风标致3008噶型号系1.6THP至尚版。车身有4米4左右(4428毫米)。你睇数据,咁噶车身长度好似唔系几吸引,但系当你行近真车噶时候,你会突然觉得佢好大,自己开起来都有头有面。
睇下车头部分,东风标致3008同进口标致3008有D唔同。因为经过国产改造,可以讲,东风标致3008比进口3008更“标致”。 东风标致3008车头用咗好多镀铬装饰,鬼面罩变化最明显,原嚟嘅方格大嘴都变晒,宜家变成一条条横条。雾灯都用咗镀铬材料嚟装饰,为咗显得雾灯更大,更豪气。
再嚟睇LOGO部分,大家发觉有一排“PEUGEOT”噶字,而进口3008身上系冇呢个装饰。呢个标识噶上面就系东方标识噶LOGO,一只狮子。鬼面罩噶用料好足,俾D人有一种好豪噶feel,杀伤力更加强。
东风标致3008车头灯有日间行车灯(东风标致官方就叫日间航车灯)。车头灯有自动感应功能,即系到D比较暗噶地方就会自己会着灯。刚才都有讲了,雾灯周围用咗镀铬装饰,相比单一个圆灯好睇好多。
东风标致3008外形好横,好大部。车辆侧裙系塑料,车顶有铝合金旅行架。另外,全新东风标致3008嘅倒后镜整合转向灯,而且仲有一个细灯(即系迎宾灯)。呢个配置,一般系MPV车型上面先有,而东风标致3008嘅顶配车型乜都有齐了。
对于东风标致3008来讲,我觉得车尾系一个好重要噶部位。除了外形靓之外,个尾箱都好鬼实用,等阵间,我介绍空间配置噶时候先同大家详细介绍。车尾挡风玻璃同其他品牌SUV车型又有一D唔同,呢D都系体现法国人对艺术嘅果种追求。你正睇东风标致3008车尾,大家发觉系睇唔见部车噶C柱。从美观角度,会俾人一种高度整合嘅感觉。另外,成个车尾俾人嘅感觉就系好结实。
车尾灯噶形状好有科技感同埋艺术感。白色同红色两种颜色配搭,尾灯中间仲有一条镀铬装饰,就好似一条光导咁将个尾灯分隔开两部。另外,设计师将黄色转弯灯噶黄色隐藏起身,所以呢部车尾灯睇上去得红色同银色。车尾护杠上面噶雾灯同反光贴整合一齐,成个设计就变得好好睇了。
我所拍摄噶车型配噶系17寸车轮,双五幅式轮毂。17寸车轮感觉细左D,视觉上果种冲击感冇咁强烈。如果有需要嘅老友记可以换一个18寸噶车轮,部车就更加靓仔了,而且刹车碟噶散热效果有会有提升。车汰方面,呢部车用噶系米其林车汰,而我影呢部车噶车汰规格为255/50 R17,轮胎够靓,尺寸就细左D,不过无伤大雅。